Jati Diri Manusia

Oleh A Jaka Kinayungan di JATI DIRI,,MANUSIA
JALAN
DIRI
Milari JATI

Kaula kaula’aneun
RENUNGAN ALAM ,SILIB DIRI
KARYA
Jk Kinayungan
BUBUKA



,,,,,,,,Bismilah anu ngabuka, ,,,,,,,,,,,,
Bubuka ieu carita .
Abdi seja muka raga,
Neda ka MAHA KAWASA.
Sugan aya hibar hasil ngadoa
Sareng karamat ti IBU RAMA
Sanes abdi agul diri,tapi abdi syiar ilmi
Hasil abdi muka diri,sugan aya anu sami

Hapunten abdi hapunten
Hapunten kanu tos janten
Hampura abdi hampura
Hampura ka para raja

Sugan wae ieu serat janten inten
Teu kalangkung kanu benten
Abdi nyuhunkeun hapunten

HAPUNTEEEEN……
                                                                                                                                                                                                                                               HORMAT

jk kinayungan

BAB I

AGAMA ?

AGAMA CEUK BAHASA

Baheula kolot nyarita
Urang kudu beragama
Eta teh naon maksudna
Kudu katepi jujutna

Ayena manjing dewasa
Susah senang geus katampa
Kade poma ulah hampa
Kabeh ge aya tapakna

Susah pasti aya sabab
Senang nyata aya mazhab
Geura baca eusi kitab
Kitab nu mukakeun sabab

Nurutkeun harti bahasa
Agama teh nu ngajaga
Ngajaga ieu waruga
Tina hawa hawa dunya

[ A = heuteu. Gama = kacau ..jadi anu beragama hirupna teu kacau ]

Urang teh pamimpin dunya
Geus pasti boga budaya
Asal tina nur cahaya
Nu mawa bagja waluya

Cahaya caang sifatna
Waspada eta watekna
Katingal hasil gawena
Seungit pasti ka ambeuna

Najan dzikirna ngageot
Kabungkus ku kulit peot
Tapi laku huat heot
Pasti balikna oge molotot

Agama kudu dibuka
Lain jadi bahan warta
Agama ageuman nyata
Patokan urang didunya

NAON SABAB KUDU BERAGAMA ?

Laku lampah dimayapada
Kudu mamfaat ayana
Eta hasil anu nyata
Dina kitab nu kabuka

Geura tingal poe tujuh
Gewat baca ayat tujuh
Lain sabab ditawajuh
Kudu ningal ka pituduh

Dina faatihah bubuka
Tujuh ayat anu nyata
Akhir surat jadi fakta
Naon sabab beragama

[ayat tujuh surat al – faatihah anu hartosna wallohu a lam
‘’…….Ulah kalebet ka golongan jalmi anu dolim sareng sasar……….’’]

Ulah jadi jalma dholim
Komo beki dengki iri
Kudu jadi jalma alim
Ngarah sagala kaciri

Jadi sabab nu kabuka
Hirup kudu beragama
Dina faatihah jawabna
Ayat tujuh tah saksina

{ TEU AYA DEUI PANGERAN ANGING ALLOH ANU ANU MAHA SUCI ANU WAJIB DIIBADAHAN,RUMAOS ABDI PARANTOS DHOLIM KADIRI ABDI }
 (doa nabi yunus waktos dina jero lauk paus )

Cagg,,,,,

NAON SABAB ULAH DHOLIM ?

Ayat tujus geus dibuka
Ulah dolim tah maksudna
Waspada eta lakuna
Bakal karasa hasilna

Naon maksud ulah dholim
Nitah nitah kudu alim
Da uing ahli dalil
Eta teh ciri teu eling

Geura  buka ayat opat
Na fatihah anu mafat
Didiya jawab ma’rifat
Isuk pasti panggih jeung dzat

[ ayat opat surat al- faatihah…..hartosna wallohu a lam….’’anu ngawasa poe isuk’’]

Ayat opat geus ngandika

Beak jagat tepung jeung dzat

Anu boga sagala jagat

Moal bisa urang ngejat

Ayat opat jadi saksi

Urang pasti panggih gusti

Matak hirup kudu nyantri

Ulah hirup salah harti


Lain nyantri ku bajuna
Tapi nyantri ku elmuna
Ngarah karasa sundana
Da adat eweuh haramna
Matak ulah dengki ati
Komo dholim matri diri
Eta jawab anu pasti
Pan isuk panggih jeung gusti

Gustiiiiiiii robbul izatiiiiii………….
Haaapunteunnn abdi gustiiiiii………..
{ ….SAUR KITAB QUR’AN,URANG BERAGAMA TEH SUPADOS URANG TEU KALEBEUT GOLONGAN JALMI ANU DOLIM <AL-FAATIHAH AYAT TUJUH>,KUNAON ATUH URANG ULAH DHOLIM , ISUK JAGANING GETO URANG BAKAL TEPANG SARENG ANU MAHA KAWASA<AL FATIHAH AYAT OPAT> ……WALLOHU…..}

Caggg,,,,,,

KUMAHA CARA PANGGIH JEUNG GUSTI?   ...RAKET SAIKET

Poma ulah jauh ngudag
Komo neangan nu badag

Bari can tangtu buktina
Samar tingal kasebutna

Geura deketan nu rakeut
Rakeutna bari saikeut

Lamun anjeun neang kaditu
Paling alus panggih jeung batu

Tapi anjeun geura lumaku
Lumakuna make elmu

Ulah nekteuk anu deukeut
Tapi teang kunu seukeut

Teang nu raket saikeut
Ngarah hirup teu papukeut

Lamun panggih nu saikeut
Pastina leuwih ti dekeut

Alah batan gula pe’eut
Matak raos tuang leueut

Lamun nusaikeut hayang bukti
Buka kitab waris ti nabi

Faatihah anu geus pasti
Ayat geunep jalanna diri

{ lamun urang poek pikir bingung ya lumaku,,,,ayat geuneup faatihah mere bukti yen urang kudu menta tuduh jalan anu pasti nepi kajati,,,,ihdinassirootolmustaqim,,,}

Tutup mata tutup indra
Buka mata jeroeun dada
Menta kanu kawasa
Ihdinassirootolmustaqim pangandika

Bahela tapa di gua HiRa
Menang wangsit tinu kawasa
Ari gua eta teu aya cahaya
Poek mongkleng buta rata

Tapi Hi Ro kudu di buka
Hi eta hirup nyatana
Basa arab hayan/hayat tah ngarana
Ari ro eta rokaat buktina

Najan poek buta rata
Tapi hirup pinuh kutaqwa
Taqwa rokaat nyatana
Datang cahaya hasilna

Matak kade urang poho
Ayat genep sing katojo
Da hartina anu nyata urang bodo
Kukituna geura menta kanu nenjo

Jadi cara anu pasti
Lamun hayang tepung jeung gusti
Geura laku laku nabi
Hi Ro eta laku nabi

{jadi jalan panggih jeung gusti nyaeta HiRo hirup pinuh ku rokaat atawa hirup pinuh ku solat atawa hirup pinuh ku eling ka gusti,sabab ku eling/solat/rokaat tidiya urang bakal panggih jeng wahyu/cahaya hirup anu mere caang kadiri urang,,,,,,,}

Cagggggg,,,,,,,

BAB II
 DAMAR JATI RENUNGAN, 04/06/2011,,

Kamari ejeung ayena
Beda wanci beda rasa
Sarua jeung anu beda
Ukur rasa teu sampurna

Mungguhing manusa
Kapiheulaan ku rasa
Da bongan rasa panuntun raga
Poma  rasa ulah katutup ku raga

Sabab raga mawana cilaka
Pastina manusa bakal sampurna
Mun rasa geus mimpin raga
Sabab rasa panjurung qolbu (aras)

Ari nu calik di aras eta
ALLOH TAH SIFATNA
Matak aya rosullulloh gelarna
RASAALLOH DA NYATANA

Hiji euweh duana
Tunggal eweuh baturna
Rasa nu mawa bejana
Raga tunggal nunampina

Bukti pasti hurip diri
Kabuka ku suci ati
Waspada lakuning diri
Ciri mursyd aya na ati

RENUNGAN,06/06/2011,,

Kade elmu patokanna
Ulah elmu jadi kedokna
Lain elmu ku lobana
Tapi elmu kulakuna

Elmu sato laku sato
Elmu setan laku setan
Elmu nabi laku nabi
Elmu biwir ecan pasti

Tingal jalmi kulakuna
Lain bener cek biwirna
Laku bukti kaelmuna
Biwir sok jadi ujubna

Mangka apik nyiar ilmi
Teang mursyd nu sajati
Ulah jauh kaluliluli
Mursyd aya dina ati

RENUNGAN,08/06/2011,,

Ngaji diri neang jati
Geusan mulang asal pasti
Jalanna thorekat wali
Tapi poma ulah lali
Ku sareat oge pasti
Sabab jalir tina ilmi
Mun sareat teu katiti
(sareat,thorekat,hakekat,ma’rifat)

Majar diri geus ma’rifat
Apal kana dzat jeung sifat
Kade ulah unggah adat
Bisi jadi mabok madat

Ma’rifat nepi kajati
Hakekat jaminan pasti
Tarekat jalanna misti
Sareat lakuning diri

Solat ulah jadi harti
Sabab eta waris nabi
Mun solat diluli luli
Batal diri nepi kajati

RENUNGAN,9/06/2011,,

Haleuang boga nu urang
Hariring boga nu kuring
Haleuang asal nu wenang
Hariring asal nu wening

Wenang urang milih jalan
Wening urang caang jalan
Wenang ningal kanu enggal
Wening ati pasti nunggal

Nabi tara nitis badan
Wali tara nyurup raga
Nu nitis iblis jeung setan
Nu nyurup eta danawa

Geura udag laku nabi
Makena sareat wali
Pasti bakal wening ati
Jadi jalan tuduh pasti
 
Poma omat ulah bireuk
Gera nurut kanu deukeut
Dekeut eweuh jarakna
Ibarat gula jeung rasana

Hapunten abi hapunten
Hapunten kawening gusti
Hampura abi hampura
Hampura wenang nu maha

 Cagggg,,,

,RENUNGAN,11/06/2011

Bismillah anu sakti

Bahela kolot nyarita
Bismillah eta bubuka
Padahal eta carita
Nu kudu kuurang kabuka

Udag harti bahasa urang
Bis eta hartina sareng
Mi eta hartosna ngaran
Lah eta anu nyipta urang

{hartosna bismillah ,,,,’wallohu,,,’sareng nami Alloh (Alloh teh nami anu nyiptakeun langit sareng bumi katut eusina/ ASMA)}

Tah ayena urang buka
Sugan widi nu kawasa
Naon bismillah maknana
Sugan manjing karomahna

Bismilah eta teh sareng
Sareng nami nuyipta urang
Tangtuna urang tos terang

Alloh teh nu nyipta urang

Lamun bareng jeng jawara
Komo sareng jeung nu kaya
Tangtu bakal gede sora
Barina ngarasa  bagja

Sasarengan jeung priyayi
Komo jadi batur santri
Raraosan jadi sakti
Ngaku ngaku lalaki sajati

Tah ayena cek bismillah
Urang hurip sareng Alloh
Urang usik sareng Alloh
Berang peuting sareng Alloh

Bismillah masing terang
Geura udag kuakal urang
Saha nu sareung urang
Alloh nyata ejeung urang

Gera teang ku elmu nu seukeut
Pama Alloh raket saiket
Moal aya keris sekeut
Da badan kuat dikereut

Bismillah geus kapanggih
Tangtuna urang linuwwih
Moal aya anu cuah cuih
Da bareng jeung nu Maha leuwih

{bismilah ANU PANGHELANA KUDU DIBUKA,,,MUN URANG REK LAKU SAREAT,,NYAETA HIJI KALIMAT MUN GEUS KATEPI URANG BAKAL LINUWIH SABAB GEUNING KAULA TEH BARENG JEUNG ANU KUMAULA KONCINA KAULA KAULA’ANEUN,}

Caaaaagg,,,,,,,,,,,,,,,,,,,,,,,

ASMA,,,

Ashadu pangaku diri
Lamun enggeus nyaho kajati
Eta oge mun panggih guru sajati
Guru mursyd sajatining ati

Ari asma eta ngaran
Matak poma ulah mangeran
Mangeran kana jumeneng ngaran
Sabab aya urang lain ku ngaran

Ari asma eta nami
nami anu mawa ciri
ciri anu mawa bukti
bukti aci asalning  jati

Alloh eta teh nami
Nami anu nyipta bumi
Nami nu nyipta diri
Nami nu maha sajati

Tapi poma kudu paham
Hiji asma dua baham
Dua asma hiji paham
Pama poek candak bohlam

Cagg,,,,,,

DZAT,,,, ( dzat laesa kamislihi sae’un)

Hiji eweuh duana
Aya teu kasaksi dimana
Sabab teu aya bandingna
Mutlak pisan sagalana

Marifat hak  RASAna
Lain hak umatna
Sabab rasa mutlak benerna
Moal beda jiga umatna

Saban saban anu beda
Eta pasti tina dada
Matak geura rakrak dada
Ngarah ningal kanu beda

Hiji eweh duana eta gusti namina
Lamun hiji aya duana eta mahluk namina
Tunggal euweh baturna
Kalapa tunggal rea baturna

Urang beda jeung anjeuna
urang usik kuanjeuna
anu usik lain iya’na
Usik eta teh buktina

Geura buka make antara
Antara nujadi rasa
Sabab rasa anu melahna
Ngarah katuang nikmatna

Rasa jati eta pastina
Rosulluloh eta gelarna
RasaAlloh eta nyatana
Madaniyah eta hasilna

Caggg


SIFAT

Tafakur nu jadi catur
Tadzakur saumur umur
Tasyakur laku numashur
Akur nunambihan batur

Akur eta hasil gunem catur
Jalma anu inget ka alam kubur
Eta anu disebut jadi bukur
Numawa bahan pitutur

Welas asih tina akur
Silih asuh tina ukur
Silih asah kuboga umur
Eta sifat numawa mashur

Welas asih asal ti ati
Rohman rohim eta gusti
Sifat eta ciri diri
Cirri anu mawa bukti

sifat sato ciri sato
matak raga pinuh kutato
sifat gusti RASANING ati
numawa diri nepi kamukti

Mukti jadi ciri diri
Manunggal panitah jati
Asih asuh asah eta misti
Sabab eta sifat sajati

AP’AL,,,,

Sifat sajatining manusa tos kapendak
Gelar ma’ung pasti kacandak
Linuhung manunggal sareng nu mutlak
Nu janteun mutlak ap’al kapendak

Marcapada ap’al nu Maha
Pajajaran jadi ku saha
Gemah rifah menang mokaha
Ap’al eta gawe nu Maha

Matak kade sing tengeut
Lamun laku kudu ingeut
Ngarah hasilna jadi kamemeut
Sabab ap’al wateukna seukeut

{TAH KITU ASMA ETA NAMI,,,,SIFAT ETA CIRI ,,,,DZAT ETA BUKTI ,,,,,AP’AL ETA GAWENA,,,, KAULA TEH BARENG JEUNG ANU KUMAULA KONCINA KAULA KAULA’ANEUN,}

ALLOH ETA NAMI ANU NYIPTA LANGIT BUMI
LANGIT JEUNG BUMI JADI CIRI AYANA ALLOH
HIRUP USIK MALIKNA URANG BUKTI AYANA ALLOH
TAH ANU KATINGAL KADANGU KARAMPA ETA AP’ALNA ALLOH

WALLLOHU
Cagg,,,,,,,,,,

kesimpulan elmu nu suci
sirbudi cipta rasa
sir rasa papan raga
dzat marifat wujud kula
maring purbawisesa
terah wisesa
ratu galuh galih kula
aji putih ngamupuk
aji putih ngabanyu
aji putih ngaraga sukma
tembong aji sajati
agung sajatining diri
tembong agung marifat jati
keursaning alloh
lailahaillelloh muhammaddarosullulloh

Wasalam
Jk kinayungan Panutup
laillahaillelloh anu jadi panutup

Haputen sakali deui bilih ieu seratan simkuring kirang panuju ,atuh langkung saena nyuhunkeun piwuruk sareng piwejangna,kanggo bahan simkuring nyungsi diri dialam rame ieu.sakali deui hapunteunnnnn
Laillahaillelloh muhammaddarosullulloh
Cag,sampurasun,,
 jk kinayungan
kampong bunut 1,ds cijati,kec situraja ,sumedang